Жыл сайын 1-7 тамыз аралығында бүкіл әлемде емшек сүтімен емізетін балалардың денсаулығын нығайтуды насихаттауға бағытталған Дүниежүзілік апталық өткізіледі. Мұндай мерекені өткізу бастамасы ДДҰ мен ЮНИСЕФ балалар қорына тиесілі, олар өткен ғасырдың 70-жылдарынан бастап бүкіл әлемде емшек сүтімен емізу мәдениетін жандандыру бойынша белсенді жұмыс жүргізуде. Оның мақсаты-көпшілікке емшек сүті балаларды көптеген аурулардан сақтай алатынын түсіндіру. ЮНИСЕФ мәліметтері бойынша, емшек сүтімен емізуді тарату бес жасқа дейінгі 820 мың баланың өмірін сақтап қалуға көмектеседі. Баланы емізу - баланың денсаулығымен өмір сүруін қаматамасыз етудің ең тиімді әдістерінің бірі.
Емшек сүті - нәрестелер үшін мінсіз тағам. Ол қауыпсіз, зиянсыз және көптеген жалпы балалар ауруларынан қорғауға көмектесетін антиденелерден тұрады. Нәрестенің өсуімен дамуы ұшін өте маңызды ферменттер, гормондар және тағы басқа да биологиялық белсенді заттардан құралған.
Биылғы жылы Дүниежүзілік апталық аясында №7 қалалық емханада үйлестірушілер емшек сүтімен емізудің маңыздылығы туралы ақпараттық-түсіндіру жұмыстарын жүргізеді, ата-аналарға емшек сүтімен емізуді жолға қоюға, балаларына толыққанды қамқорлық жасауға және олармен өмірінің алғашқы кезеңдерінен бастап эмоционалды байланыс қалыптастыруға көмектеседі.
